[AUS Perth]
20161106 捉唔晒 成個海都係鮑魚！
之前我地兩個都忙住返工
完全係冇時間剪片架(有時間都想訓下補眠?)
依排好少少冇咁忙! 終於的起心肝想up下片了!!!加油呀??
晨早五點，我地起身去捉鮑魚，係鮑魚啊！！房東借gear比我地一行六人，三個負責打氣，一位海女兩位海男，位海女係我?Yoga!
今年十一月第一個星期日正式開始，捉的人要事先上網買個捉鮑魚license，每人每次限捉十五隻（每個沙灘唔同數量），捉到仲要量下大細岩size先可以帶走架!如果唔啱標準係會被罰超貴架!!!會連你架車架船都沒收埋!!!
去到個沙灘，又大風又超大浪又凍…(當時仲係11月仲係幾涼下!)
真係堅唔想落水…
但因為我同汶汶比左AUD$40買左個鮑魚牌!!!我係唔能夠退縮架!!同埋我真係好想食鮑魚呀!!!
一到七點正!!!omgggosh!!!所有捉鮑魚既健兒一湧而上!!!我就默默咁跟住兩位海男-Cako同可治，同一個個超大既白頭浪搏鬥…
印象中，我係完全唔L知自己做緊啲乜
個情況實在太惡劣了
我淨係不斷遊去人群果邊
同時要搵大石比我捉實防止我比海浪沖返去岸邊…
再要搵空檔時間潛入水搵鮑魚…
最後…我係無止境咁游左一個鐘頭既水??
仲要一隻鮑魚我都捉唔到???
攰到爆肺痴線架!
不過唔緊要，因為兩位海男都捉到成三十隻??夠晒啦!!
晚上返sharehouse大家一齊煮左鮑魚雞粥，清蒸鮑魚同埋一個炆左成晚最後係失敗左既蠔汁炆鮑魚…????
事源係個食譜話第一日炆完兩個鐘之後要放一晚然後第二日就再中火炆多45分鐘
咁我第二日一起身就去開火啦
點知中間有個疑似係工作電話打黎
我聽完個電話就完完全全忘記左啲鮑魚！！！！
直到汶汶聞到濃味
我跑去廚房發現煲鮑魚已經爆炸左
一隻隻鮑魚已經飛晒出黎
啲汁爆到上兩米既牆上面…???
好可惜呀嗚呀????
_______________________________________________________
兩個大食女
yoga同汶汶
Ex-護士 + Ex-記者
劈炮唔撈
向世界出發
為咗食好西
一路窮遊一路搵食
2015年12月至於2016年7月於紐西蘭工作假期！
現於澳洲工作假期中！
↓ 不停update有乜好食好玩 ↓
√ Facebook: 大食女遊記 https://m.facebook.com/bigeatgirls/
√ Instagram: bigeatgirls
